«Степногорск тау-кен химиялық комбинаты»

Кәсіби мереке қарсаңында колледждің «Электромеханикалық жабдыққа техникалық қызмет көрсету, жөндеу және пайдалану» мамандығы бойынша 3-курс студенттері үшін  «Степногорск тау-кен химиялық комбинаты» ЖШС-де кезекті таныстыру экскурсиясы өтті. 
Балаларды кәсіпорынның электрмен жабдықтау жүйесімен бас энергетик Соколы Александр таныстырды. Студенттер бригаданың жұмыс процесін 0,4 кВ жағында, яғни зауыттың электр қуаты келетін жерін аса қызығушылықпен көрді. Жалпы зауыттық электр учаскесінің бастығы Савинкин Владимир ОРУ, ЗРУ және басқару қалқанын, электромеханик мамандардың қандай техникалық қызмет көрсететінін көрсетті. Экскурсияны ұйымдастырғаны үшін «СТКХК» ЖШС басшылығына алғысымызды білдіреміз!