Тәуелсіздік күні

Тәуелсіздік күнін мерекелеу аясында Тау-кен техникалық колледжінің оқытушылары жатақханада тұратын басқа қаладан келген студенттерге мерекелік сый жасауды ұйғарды. Үйлерінен алыста жүрген балаларға жайлы отбасылық кеш ұйымдастырды. Балалармен үстел ойындарын ойнап, әңгіме-дүкен құрды, сыр-сұхбаттар өткізді. Мерекенің барынша үйдегідей өтуі үшін мұғалімдер өз қолдарымен арнайы жасаған үй тағамдарын дайындап келді.
Жатақханадағы өмір ешқашан үйдегі өмірдей болмайды. Біздің балалар үйлеріне жиі бара алмайды, сондықтан олардың эмоционалдық жағдайы үшін айналасындағылардың қолдауы мен жайлы атмосфера құру өте маңызды. Кездесулердің мұндай форматы біздің колледждің тағы бір жақсы дәстүріне айналады деп үміттенеміз!