5 желтоқсанда Қазақстан Халықаралық еріктілер күнін атап өтті!

5 желтоқсанда Қазақстан Халықаралық еріктілер күнін атап өтті!
Бұл күннің пайда болу тарихы сонау 1985 жылдан, яғни БҰҰ Ассамблеясы бүкіл әлем үшін әлеуметтік маңызы бар мереке – Еріктілер күнін өткізу туралы ұсыныс жасаған кезден басталады.
Халықаралық еріктілер күні – әрқайсымызға өзгеше жақын мереке. Алайда, бұл күні ең жақсы ризашылық сөздері, әрине, еріктілік өмір салтына айналған адамдарға арналады. Жүректері жылы адамдар – Еріктілердің игі істері біздің еліміздің тарихында мәңгілікке жазылады.
Кеше еріктілік саласында сіңірген еңбегі үшін Тау-кен техникалық колледжінің студенті Дарина Ермек грамотамен марапатталды. Ол бос уақытын көмекке мұқтаж адамдарға: ардагерлерге, мүгедектерге, әлеуметтік осал санаттарына жататын Степногорск тұрғындарына қызмет етуге жұмсайды.
Колледжде осындай балаларымыз аз емес. Біз олардың әрқайсысын мақтан етеміз, олардың игі істерін үлгі тұтамыз!