"Талап" КЕАҚ арнайы пәндер оқытушыларына арналған онлайн-біліктілікті арттыру курстарын жалғастыруда

2021 жылғы 11-29 қазан аралығында "Техникалық және кәсіптік, орта білімнен кейінгі білім беру ұйымдарында  білім беру процесін академиялық дербестікті есепке ала отырып модельдеу" тақырыбы бойынша 108 академиялық сағат көлемінде (72 а.с. аудиториялық нысанда және бейін бойынша 36 а.с. практика) Тау-кен техникалық колледжінің педагогтері өтті.

Аталған курстардың бағдарламасы 6 модульден тұрды. Модульдерді оқу кезінде тыңдаушылар техникалық және кәсіптік білім беру саласындағы нормативтік-құқықтық актілермен жұмыс істеді, кредиттік тәсілді іске асыру арқылы оқу жұмыс жоспарлары мен бағдарламаларын әзірледі, күшті, әлсіз жақтарын зерделеп, сондай-ақ мүмкіндіктер мен қауіптерді болжай отырып, академиялық дербестікті енгізуге талдау жасады.

Өзгерістерге дайындық - заманауи педагог моделінің басты көрсеткіштерінің бірі, жаңа формациядағы педагогтың басты сапасы.