ЖЭО және «Теплотранзит»

Жылуэнергетика тобының студенттері энергетика саласындағы кәсіпорындарда: ЖЭО және «Теплотранзит» мекемелерінде өндірістік практикадан сәтті өтті. Практика барысында студенттер теориялық білімдерін нақты өндірістік нысандарда бекітіп, құнды кәсіби тәжірибе жинақтады.
Болашақ мамандар жылу желілерінің жұмысымен, қазандықтар мен жылу электр орталықтарының жабдықтарымен танысып, технологиялық процестерге қызмет көрсету мен бақылау жұмыстарына қатысты, сондай-ақ жабдықтарды пайдалану және қауіпсіздік мәселелерін зерделеді.
Студенттердің бір бөлігінің ЖЭО-ға жұмысқа орналасып үлгергені ерекше қуантады, бұл біздің түлектеріміздің дайындық деңгейінің жоғарылығын және сұранысқа ие екендігін растайды!
Студенттерді практиканы сәтті қорғауымен құттықтаймыз және алдағы уақытта кәсіби жетістіктер тілейміз!