Ұлы Отан соғысындағы Жеңістің 80 жылдығы

Бүгін 2025 жылғы 30 сәуірде Ұлы Отан соғысы Жеңісінің 80 жылдығы мерекесіне орай,   қалалық іс-шаралар жоспары аясында 1-курс студенттері арасында Кеңес Одағының Батыры Әлия Молдағұлованың туғанына 100 жыл толуына арналған ерлік сабағы өтті.
Сабақ барысында білім алушыларға Әлияның өмірбаяны, оның майдандағы батырлығы, сондай-ақ Әлия ерлігінің ел тарихындағы маңыздылығы туралы баяндалды. Оқытушылар дайындаған презентация мен бейнематериалдар көрсетілді. Жастарды патриоттық тәрбиелеу және тарихи жадыны сақтау мәселелеріне ерекше назар аударылды. Сабақ жастардың өз елінің өткен батырлық тарихы үшін  мақтаныш сезімін қалыптастыруға ықпал етті.